نئی دہلی، 27/اگست (ایس او نیوز/ایجنسی ) چندریان -3 کی کامیاب لینڈنگ کے بعد، اسرو نے اعلان کیا ہے کہ آدتیہ-ایل، ١ ملک کا پہلا سورج مشن، ستمبر میں شروع کیا جائے گا۔ اسرو کا آدتیہ ایل مشن سورج سے نکلنے والی کرنوں کا مطالعہ کرے گا۔ اسرو کے اسپیس ایپلی کیشنز کے ڈائریکٹر ایم ڈیسائی نے میڈیا سے بات کرتے ہوئے بتایا کہ آدتیہ-ایل۔ مشن مکمل طور پر تیار ہے اور اپنے آغاز کا انتظار کر رہا ہے۔

آدتیہ ایل مشن کو پی ایس ایل وی راکٹ کی مدد سے ستیش دھون خلائی مرکز سے لانچ کیا جائے گا۔ پی ایس ایل وی راکٹ، آدتیہ ایل کو بیضوی مدار میں پہنچائے گا۔ اس سے یہ سورج سے نکلنے والی شعاعوں کا قریب سے جائزہ لے سکے گا۔ انہوں نے بتایا کہ آدتیہ ایل سے سورج کی سرگرمیوں کی نگرانی کر سکیں گے اور زمین پر زندگی کو برقرار رکھنے والے ستاروں کے بارے میں بھی جان سکیں گے۔

آدتیہ ایل ۔1 کو سوریان بھی کہا جا رہا ہے۔ آدتیہ ایل مشن کے بارے میں تفصیلات بتاتے ہوئے اسرو کے سربراہ ایس۔ سومناتھ نے کہا کہ یہ ہندوستان کا پہلا شمسی مشن ہے جو سورج کا مطالعہ کرے گا۔ اس خلائی جہاز کو 2 ستمبر کو لانچ کرنے کی تیاریاں جاری ہیں۔ پروجیکٹ کو اسمبل کرکے سری ہری کوٹا خلائی مرکز میں لے جایا گیا ہے۔ اسرو کے مطابق، آدتیہ-ایل خلائی جہاز میں لگائے گئے پے لوڈ مختلف طریقوں سے سورج کا سائنسی مطالعہ کریں گے۔ آدتیہ-ایل تقریباً 5 سال تک سورج کی کرنوں کا مطالعہ کریں گے۔